‘ஸ்ரீலங்கா சுதந்திரக் கட்சியுடன் சம்பந்தமில்லாத நால்வர் கூடி பதில் தலைவர் ஒருவரை நியமித்தமை செல்லுபடியற்றது. நீதிமன்றத்தின் ஊடாக உண்மைகளை எடுத்துரைப்பதற்கு நடவடிக்கை எடுக்கப்படும்’ என்று நீதி, சிறைச்சாலைகள் மற்றும் அரசியலமைப்பு மறுசீரமைப்பு அமைச்சர் கலாநிதி விஜயதாச ராஜபக்ஷ தெரிவித்தார். சுதந்திரக் கட்சியின் பதில் தலைவர் நியமிக்கப்பட்டமை உள்ளிட்ட பல்வேறு விடயங்கள் குறித்து அமைச்சர் கலாநிதி விஜயதாச ராஜபக்ஷ எம்முடன் கருத்துகளைப் பகிர்ந்து கொண்டார்.
கே: நீங்கள் ஸ்ரீ லங்கா சுதந்திரக் கட்சியில் அங்கம் வகிக்கவில்லை எனவும், உங்களை பதில் தலைவராக நியமித்தமை சட்டவிரோதமானது என்றும் மற்றைய குழுவினர் நீதிமன்றத்திற்குச் சென்றனர். உங்கள் நியமனத்திற்கு நீதிமன்றம் இடைக்காலத் தடை விதித்தது. அடுத்து என்ன நடக்கவிருக்கின்றது?
பதில்: அதை எதிர்த்து ஒரு குழுவினர் நீதிமன்றம் சென்று தடை உத்தரவு பெற்றனர். நீதிமன்றத்தில் அவர்கள் முன்வைத்த ஒருதலைப்பட்சமான உண்மைகளின்படி, நீதிமன்றம் அத்தகைய உத்தரவுகளை வழங்குகிறது. பின்னர், மற்றைய தரப்பினர் உண்மைகளை சமர்ப்பித்த பிறகு, எதிர்காலத்தில் நீதிமன்றம் பொருத்தமான உத்தரவைப் பிறப்பிக்கும். நான் அவர்களுடைய கட்சிக்காரன் இல்லை என்பது என்மீது அதிருப்தியில் இருக்கும் ஒரு சிலர் சொல்லும் கதை. ஆனால் கட்சியின் 116 உறுப்பினர்கள் அனைவரும் செயற்குழு உறுப்பினர்கள் என்பது தெரிந்த காரணத்தினால் இந்த நியமனம் வழங்கப்பட்டுள்ளது. எனவே, அது ஒரு கட்சியாக நீதிமன்றத்திற்குச் சென்று யாரிடமும் எந்தப் பொய்யையும் கூறலாம். இந்த நியமனம் சட்டவிரோதமானது என்றால், நான் அதை ஏற்க மாட்டேன்.
கே: ஸ்ரீலங்கா சுதந்திரக் கட்சியினால் அவர்கள் நினைப்பது போன்று தலைவர்களை நியமிக்க முடியுமா?
பதில்: ஸ்ரீலங்கா சுதந்திரக் கட்சிக்கு இரண்டு தலைவர்கள் இல்லை. கட்சிக்கு சம்பந்தமே இல்லாத நான்கைந்து பேர் போய் ஒருவரைப் பதில் தலைவராக நியமித்தமை செல்லபடியாகாது. இது ஒரு போலி நியமனம்.
கே: அரசாங்கத்தின் அமைச்சர்களை மைத்திரி குழு கடுமையாக எதிர்த்தது. மறுபுறம், உங்களுடனான ஈடுபாடு ஒப்பந்தத்தின் அடிப்படையிலானது என சிலர் குற்றஞ்சாட்டுகின்றனர். இது பற்றி உங்கள் கருத்து என்ன?
பதில்: ஸ்ரீலங்கா சுதந்திரக் கட்சியை பிரதிநிதித்துவப்படுத்தி பொதுஜன பெரமுனவில் இருந்து பாராளுமன்றம் சென்றவர்கள் அரசாங்கத்தில் அமைச்சர் பதவிகளை வகிக்கக் கூடாது என வழக்குத் தாக்கல் செய்தவர்கள் ஒன்றுகூடி தீர்மானம் நிறைவேற்றியுள்ளனர். நான் இந்த வகையைச் சேர்ந்தவன் அல்லன். நான் உறுப்பினர் இல்லை. நான் பொதுஜன பெரமுனவில் இருந்து தேர்தலில் போட்டியிட்டு, நாங்கள் உருவாக்கிய அரசாங்கத்தில் அமைச்சுப் பதவியை வகித்து பாராளுமன்றத்திற்கு வந்தேன். அதற்கும் இதற்கும் எந்தச் சம்பந்தமும் இல்லை. நான் ஸ்ரீலங்கா சுதந்திரக் கட்சியை பிரதிநிதித்துவப்படுத்தி பொதுஜன பெரமுனவில் வாக்கு கேட்டவன் அல்லன்.
கே: முன்னாள் ஜனாதிபதி மைத்திரிபால சிறிசேனவுக்கும் உங்களுக்கும் இடையில் ஒப்பந்தம் இருப்பதாக சிலர் கூறுகின்றனர் அல்லவா?
பதில்: உயிர்த்த ஞாயிறு தாக்குதல் வழக்குகளை முடிக்க முன்னாள் ஜனாதிபதி மைத்திரிபால சிறிசேன ஒப்பந்தம் செய்திருப்பதாக யாரோ முட்டாள் தனமாகக் கூறியுள்ளனர். இதன் காரணமாக எதிர்காலத்தில் நீதிமன்ற அவமதிப்பு குற்றச்சாட்டின் பேரில் தேவையான பணிகளை மேற்கொள்வோம் என நம்புகிறோம். இவர்கள் என் மீது இந்தக் குற்றச்சாட்டுகளை சுமத்தவில்லை. நாட்டின் நீதித்துறைக்கு எதிரான நிலைப்பாட்டையே முன்வைக்கின்றனர். நீதி அமைச்சரை தொடர்பு கொண்டால் தமது வழக்குகளை தீர்த்து வைக்க முடியும் என்பதே இவர்களின் கருத்து. இது ஒட்டுமொத்த நீதித்துறை அமைப்பையே சீர்குலைக்கும் செயலாகும். எனவே, அவ்வாறு கருத்துத் தெரிவித்தவர்கள் மீது அவதூறு வழக்குத் தொடரப்படும்.
கே: அரசாங்கத்தின் பலமான அமைச்சராக நீங்கள் இருப்பதாக பலர் கூறுகின்றனர் அல்லவா?
பதில்: ஸ்ரீலங்கா சுதந்திரக் கட்சி மட்டுமன்றி, அரசாங்கத்தில் அமைச்சர் பதவியை வகிக்கும் முன்னரும் குறைபாடுகளை சுட்டிக்காட்டினேன். அரசாங்கத்தின் குறைபாடுகளை நான் சுட்டிக்காட்டிய அளவுக்கு வேறு யாரும் சுட்டிக்காட்டவில்லை. நான் காட்டிய அளவுக்கு எதிர்க்கட்சிகள் கூட சுட்டிக் காட்டவில்லை. இந்தக் குறைகளை சரிசெய்தேன். கடந்த இரண்டு ஆண்டுகளில் ஜி.எஸ்.பி பிளஸ் சலுகையைப் பெறுவதற்கும், சர்வதேச நாணய நிதியத்தின் ஒத்துழைப்பைப் பெறுவதற்குமான நிபந்தனைகளில் எழுபத்தைந்து சதவீதத்தை நான் பூர்த்தி செய்தேன். ஆனால் அனைத்தும் ஜனாதிபதியின் தலைமையில்தான் நடந்தன. அதைச் செய்யாவிட்டால், மக்கள் உண்ண உணவின்றி மரணிக்க நேரிடும் என்று எதிர்க்கட்சியோ, அரசோ சொல்லாது.
கே: நீங்கள் இந்தப் பதவியை ஏற்றுக் கொள்வீர்கள் என எவரும் எதிர்பார்த்திருக்கவில்லை. ஏன் அவசரமான இந்த முடிவு எடுக்கப்பட்டது?
பதில்: நாட்டின் பொறுப்பை ஏற்க வேண்டிய நேரத்தில் இது ஏற்றுக்கொள்ளப்பட்டது. பதவிகளுக்காக நான் எதையும் ஏற்றுக்கொள்பவன் அல்லன். ஆறு முறை அமைச்சுக்களை ஏற்றவன். பலமுறை அவற்றை இடையில் இராஜினாமா செய்தவன். பலமுறை பணிநீக்கம் செய்யப்பட்டேன். கட்சித் தலைவர்களை திருப்திப்படுத்த நாங்கள் அரசியல் செய்யவில்லை. நாட்டு மக்களின் தேவை ஏற்படும் போதுதான் அரசியல் செய்கிறோம்.
கோட்டாபயவின் காலத்தில் எனக்கு இரண்டு முறை அமைச்சுப் பதவி வழங்கப்பட்ட போது நான் ஏற்றுக்கொண்டிருக்க முடியும். அப்போது ஏற்றுக்கொண்டால், நான் விரும்பும் வழியில் செயல்பட அனுமதிக்கப்பட மாட்டேன். ஆனால் அவர்கள் கீழே விழ முடியாததால் ஏற்றுக் கொண்டேன். அரசு மற்றும் எதிர்க்கட்சிகள் எதிர்த்த அனைத்து மசோதாக்களையும் நிறைவேற்றினேன். 25 வருடங்களாக எதையும் செய்யாத நீதி அமைச்சின் பணியை இரண்டு வருடங்களில் செய்து முடித்தேன்.
கே: ஸ்ரீலங்கா சுதந்திரக் கட்சியில் இருந்து ஜனாதிபதி வேட்பாளராக போட்டியிடுவதற்கு ஏதேனும் தயார்படுத்தல்கள் உள்ளனவா?
பதில்: எனக்கு நிறைய கோரிக்கைகள் வருகின்றன. ஒரு கட்சி என்ற ரீதியில் ஸ்ரீலங்கா சுதந்திரக் கட்சியின் நிறைவேற்று சபை உறுப்பினர்கள் 116 பேர் எனக்கு ஆதரவளித்தனர். இலங்கை வரலாற்றில் இவ்வாறு அழைக்கப்பட்டு ஏற்றுக் கொள்ளப்பட்டமை இதுவே முதல் தடவையாகும். அவர்கள் மீதுள்ள நம்பிக்கையின் காரணமாக அப்படிச் செய்கிறார்கள். வேட்பாளர்கள் மீதான இலஞ்சம், மோசடி, ஊழல் குற்றச்சாட்டுகளை ஆராய்ந்து, எனது அரசியல் கடந்த காலத்தை அவதானித்து இந்தக் கோரிக்கை விடுக்கப்பட்டுள்ளது.
கே: கட்சியின் யாப்பைப் பாதுகாத்து எதிர்கால நடவடிக்கைகள் முன்னெடுக்கப்படுமா?
பதில்: எதிர்காலப் பணிகள் தீவிரமாக மேற்கொள்ளப்படுகின்றன. தற்போது நீதிமன்றம் தடை விதித்துள்ளது. எதிர்காலத்தில் நீதிமன்றத்திற்குச் சென்று உண்மைகளை முன்வைத்து தடை நீக்கப்பட்ட பின்னர், வழமை போன்று செயற்படுவோம். ஸ்ரீலங்கா சுதந்திரக் கட்சி இந்த நாட்டின் பலமான அரசியல் கட்சி என்பதை மூன்று மாதங்களுக்குள் நிரூபித்துக் காட்டுவேன். பல வருடங்களாக என்னால் செய்ய முடியாத வேலையைச் செய்தேன். தமது கட்சியை பிரதிநிதித்துவப்படுத்தி அமைச்சுப் பதவி வகித்த ஒருவர் இவ்வாறு செயற்பட்டதையிட்டு அவர்கள் மகிழ்ச்சியடைய வேண்டும். இந்த நிலைக்கு யாரும் எதிரானவர்கள் என்று நான் நினைக்கவில்லை.
கே: அடுத்த ஜனாதிபதித் தேர்தலில் தற்போதைய ஜனாதிபதியை எவ்வாறு ஆதரிப்பீர்கள்?
பதில்: வேட்புமனு தொடர்பாக நாங்கள் இன்னும் முடிவு எடுக்கவில்லை. ஜனாதிபதியை அந்த பதவிகளுக்கு கொண்டு வர நான் கடுமையாக உழைத்துள்ளேன். 2015 இல் ஆட்சி அமைக்க நான் நிறைய பங்களித்தேன். பொதுமக்களின் கருத்தை நாங்கள் நன்கு அறிவோம். எனவே, அரசியல் கட்சிகளின் தலைவர்கள் விரும்பும் வகையில் இந்த நாட்டு மக்கள் வாக்களிக்கவில்லை. அதற்கு ஜனரஞ்சக சிந்தனைகளும் வேலைத்திட்டங்களும் தேவை.
