AGS தயாரிப்பில் வெங்கட் பிரபு இயக்கத்தில் விஜய் நடிப்பில் செப்டம்பர் 5ஆம் திகதி வெளியான திரைப்படம் ‘கோட்’. விஜயுடன் பிரசாந்த், பிரபுதேவா, அஜ்மல், மைக் மோகன், ஜெயராம், சினேகா, லைலா, வைபவ், பிரேம்ஜி என நட்சத்திர பட்டாளமே நடித்துள்ளனர். படம் வெளியாகி விஜய் ரசிகர்களின் மாபெரும் வரவேற்பை பெற்று வருகிறது. நடிகர் விஜய் விரைவில் சினிமாவை விட்டு விலகி முழு நேர மக்கள் பணியில் ஈடுபடுவுள்ள நிலையில், அவரின் கடைசிக்கு முந்தைய படமான ‘கோட்’ ரசிகர்களால் கொண்டாடப்பட்டு வருகிறது.
De-Ageing, AI, பிரபல நட்சத்திரங்களின் கேமியோ என படத்தில் பல ஸ்பெஷல் எலிமென்ட்டுகளை வெங்கட் பிரபு சேர்ந்துள்ளது படத்திற்கு பிளஸ் பாயிண்டாக அமைந்துள்ளது. யுவன் ஷங்கர் ராஜா இசையில் பாடல்களும் ரசிகர்களை ஆட வைத்து வருகிறது. படத்தில் பேசப்பட்ட முக்கிய கதாபாத்திரங்களில் ஒன்று குட்டி ஜீவன் (சிறுவயது விஜய்) கதாபாத்திரம். படத்தில் விஜய், சினேகாவின் குட்டி மகனாக கியூட் நடிப்பை வெளிப்படுத்தி ரசிகர்களின் கவனத்தை தன் வசம் ஈர்த்துள்ளார் அந்த சிறுவன் அகிலன். விஜயின் மகனாக ‘கோட்’ படத்தில் நடித்த அகிலன் சிறப்பான நடிப்பை வெளிப்படுத்தியுள்ளார்.யார் அந்த அகிலன் என்று ரசிகர்கள் பலரும் தேடிவரும் நிலையில், அவர் யார் என்ற விவரம் வெளியாகி தற்போது வைரலாகி வருகிறது. குட்டி ஜீவனாக நடித்த சிறுவன் அகிலன் வேறு யாரும் இல்லை, ‘ரவுடி பேபி’ என்ற யூடியூப் சேனல் மூலம் ட்ரெண்டில் இருக்கும் குழந்தை நட்சத்திரம் ஆலியாவுடைய தம்பிதான் அவர். ஆலியாவின் சேட்டை வீடியோக்களில் தம்பி அகிலனும் சேர்ந்து நடித்த வீடியோக்கள் பலரின் கவனத்தை பெற்ற நிலையில், அக்கா தம்பி இருவருக்கும் சினிமாவில் குழந்தை நட்சத்திரமாக நடிக்கும் வாய்ப்பு குவிந்து வருகிறது.அகிலன் தனது இன்ஸ்டாகிராம் பக்கத்தில் ‘கோட்’ படத்திற்காக விஜய் அங்கிள் மற்றும் குழுவுடன் வெளிநாட்டிற்கு செல்வதாக தான் பேசிய வீடியோவை வெளியிட்டுள்ளார். மேலும், வெளிநாட்டில் நடிகை சினேகாவுடன் ஷாப்பிங் செய்த வீடியோவையும் வெளியிட்டுள்ளார் குட்டி ஜீவனாக நடித்த அகிலன். இந்த வீடியோக்கள் தற்போது விஜய் ரசிகர்களின் கவனத்தை பெற்று வைரலாகி வருகிறது.யோகி பாபு, வாணி போஜன் நடிப்பில் வெளியான ‘சத்னி சாம்பார்’ வெப் தொடரிலும் அகிலன் நடித்திருந்தார் என்பது குறிப்பிடத்தக்கது.
