உயிரினங்கள் தங்களுக்குத் தேவையான ஊட்டச்சத்துகளைப் பெறுவதற்கு உணவு அவசியமானது. தாவர உண்ணிகள் தாவரங்களில் இருந்து, மாமிச உண்ணிகள் பிற உயிரினங்களில் இருந்து, ஒட்டுண்ணிகள் மற்றும் சாறுண்ணிகள் பிற உயிரினங்களின் சிதைவுப் பொருட்களிலிருந்து ஊட்டச்சத்துகளைப் பெறுகின்றன. ஆனால், சில உயிரினங்கள் உணவின்றி நீண்ட காலம் உயிர் வாழும் ஆற்றலைக் கொண்டுள்ளன.
பென்குயின்கள் சில வாரங்கள் உணவு உண்ணாமல் தங்கள் கொழுப்பு சேமிப்பை எரிபொருளாகப் பயன்படுத்தி உயிர்வாழுகின்றன.
நீர்க்கரடிகளால் (Tardigrades), மிகக் கடுமையான சூழலிலும் 30 ஆண்டுகள் வரை உணவின்றி செயலற்ற நிலையில் (cryptobiosis) உயிர் வாழ முடியும்.
சில பாம்புகள் தங்கள் நீண்ட உறக்க காலத்தில் பல மாதங்கள் உணவு எடுக்காமல் வாழ்கின்றன.
இவ்வுயிரினங்கள் தங்கள் சுற்றுப்புற சூழலுக்கு ஏற்ப தங்களைத் தக்கவைத்துக்கொள்வதன் மூலம் உயிர்வாழும் ஆற்றலை வெளிப்படுத்துகின்றன.
