நாளைய மனிதர்கள் நாம்!

சுறுசுறுப்புடன் நாம் நாளுமே
பயில்வோம் கலைகள் யாவுமே
விறுவிறுப்புடன் நாம் கூடியே
கற்றால் இன்பம் கோடியே!

நாட்டியம் ஆடுவோம் நன்றாக
நாடகம் போடுவோம் ஒன்றாக
சித்திரம் தீட்டுவோம் சீராக
சேர்ந்திசை பாடுவோம் அழகாக!

மரங்களை நடுவோம் குழிபறித்து
மலர்களைத் தொடுப்போம் மனமகிழ்ந்து;
சுரங்களைக் கற்போம் இனமறிந்து
சுகங்களில் திளைப்போம் நமை மறந்து!

இரவினில் வலம் வரும் நிலவினையும்
இமைகளைச் சிமிட்டும் விண் மீன்களையும்
அறிவியல் துணையுடன் ஆய்ந்திடுவோம்
நாளைய மனிதர்களாய் நாம்!