வாசிப்பை நேசிப்போம்

வாசிப்பு வாழ்க்கையை
வளப்படுத்தும்
விதைகளை விருட்சமாக
மாற்றியமைக்கும்
விந்தைகள் படைக்க
வித்துக்களை விதைக்கும்
வீண் எண்ணங்களை விரட்டியொழிக்கும்
சொற்களுக்குள் சுவர்க்கம் கண்டிட
எழுத்தினால் ஏழ்வானங்களையும் எட்டிவிட
காகிதங்கள் கவலைகளை கரைக்க
மைவாசம் மெய்சிலிர்க்க வைக்க
அறியாததை
அரைநொடியில் அறிந்திட
அழியாத அனுபவத்தை அடைந்திட
அமைதியான அகத்தை அனுபவிக்க
ஆழ்கடலின் ஆழத்தையும் அளந்திட
நூல்களை உயிராக நேசி
நூலகங்களை உறவாக போசி
நுண்ணறிவை உயர்த்திட யோசி
நூற்றாண்டுகள் உயர்ந்திட வாசி