வாழ்நாளில் பார்க்க வேண்டிய சிறந்த நாடுகளின் பட்டியலில் இலங்கை 5ஆவது இடத்தை பிடித்துள்ளது. CEO WORLD இதழ் இந்த தரவரிசையை தொகுத்துள்ளது.
இத் தரவரிசையில் தாய்லாந்து முதலாவது இடத்தையும் கிரேக்கம் இரண்டாம் இடத்தையும் இந்தோனேஷியா மூன்றாமிடத்தையும் பிடித்துள்ளதுடன் நான்காவது இடத்தில் போர்த்துக்கல் காணப்படுகின்றது இதேவேளை, இலங்கை தொடர்பாக CEOWORLD இதழ் குறிப்பிட்டுள்ளதாவது, ஆயுர்வேத சிகிச்சை, மறக்க முடியாத ரயில் பயணங்கள் அல்லது தேயிலைத் தோட்டத்தைப் பார்வையிடுவது என அனைத்து வகையான பயணிகளுக்கும் இலங்கையின் மலைநாடு பரந்த அளவிலான அனுபவங்களை வழங்குகிறது. பௌத்த விகாரைகளில் கொண்டாடப்படும் போயா சம்பிரதாயத்துடன், கலாசாரம் மற்றும் மரபுகள் நிறைந்த நாடு இலங்கையாகும். ஆரோக்கியமான இலங்கை காலை உணவை அனுபவிக்கவும் வாய்ப்புள்ளது. கூடுதலாக, நுகர்வில் அதிக ஆர்வமுள்ளவர்களுக்கு இலங்கை ஒரு சிறந்த இடமாகும் என குறிப்பிடப்பட்டுள்ளது
