ஆறு மாவட்டங்களுக்கு மீண்டும் 24 மணிநேர மண்சரிவு எச்சரிக்கை

நாட்டில் தற்போது நிலவும் கடும் மழையுடனான சீரற்ற காலநிலை காரணமாக 06 மாவட்டங்களுக்கு மண்சரிவு எச்சரிக்கை விடுக்கப்பட்டுள்ளதாகத் தேசிய கட்டட ஆராய்ச்சி நிறுவனம் தெரிவித்துள்ளது. அதன்படி கொழும்பு, கண்டி, கேகாலை, குருநாகல், நுவரெலியா மற்றும் இரத்தினபுரி மாவட்டங்களுக்கே இவ்வாறு மண்சரிவு எச்சரிக்கை விடுக்கப்பட்டுள்ளது. இந்த மண்சரிவு எச்சரிக்கை நேற்று (01) சனிக்கிழமை காலை 08.00 மணி முதல் இன்று (02) ஞாயிற்றுக்கிழமை காலை 08.00 மணி வரை அமுலிலிருக்குமெனத் தெரிவிக்கப்பட்டுள்ளது.