பெருந்தோட்டத்துறையினர் தினக்கூலிகளாக இருக்கும் நிலை மாற்றப்பட வேண்டும்

பெருந்தோட்டத்துறை மக்கள் தினக்கூலிகளாக இருக்கும் நிலை மாற வேண்டும். ஏனைய மக்களை போன்று மாதச் சம்பளம் பெறுவோராக மாற்ற வேண்டுமென தேசிய மக்கள் சக்தியின் பதுளை மாவட்ட வேட்பாளர் அம்பிகா சாமுவேல் தெரிவித்தார். தினகரன் வாரமஞ்சரிக்கு அவர் வழங்கிய பேட்டியிலேயே கூறியுள்ளார். அவர் மேலும் கருத்துத் தெரிவிக்கையில், “தேசிய மக்கள் சக்தியின் சங்கமான ஐக்கிய இலங்கை தோட்டத் தொழிலாளர் சங்கத்தின் ஊடாக தோட்டத் தொழிலாளர்களின் சம்பளப் பிரச்சினைகளுக்கு தீர்வை முன்வைத்துள்ளோம்.

பெருந்தோட்டத் தொழிலாளரின் அடிப்படை சம்பளம் தற்போது 1,350 ஆக உள்ளது.1,700 எல்லோராலும் முடியாது.

ஆனால் இன்றைய வாழ்க்கைச் செலவுக்கு அதுவும் போதாது. அவர்களின் சம்பளம் குறைந்தது 2,000 ரூபாயாக அதிகரிக்கப்பட வேண்டும். இந்திய வம்சாவளியைச் சேர்ந்த தோட்ட மக்கள் பல்வேறு நாடுகளுக்கு வேலைவாய்ப்புக்காக அழைத்துச் செல்லப்பட்டுள்ளனர். ஆனால் இலங்கையைத் தவிர எல்லா இடங்களிலும் அவர்கள் நல்ல நிலையில் வாழ்கின்றனர். அவர்கள் இன்னும் 200 ஆண்டுகளுக்கும் மேலாக இலங்கையில் அடிமைகளாகவும் தினக்கூலிகளாகவும் இருக்கின்றனர். அந்த நிலை மாற வேண்டும். தேசிய மக்கள் படை தினக்கூலிகள் என்ற நிலையை மாற்றி மற்றவர்களுடன் சமமாக குடிமக்களாக வாழ வைக்க முயற்சிக்க வேண்டும். எமக்கு வாக்களித்தாலும் இல்லாவிட்டாலும் கடந்த 76 வருடங்களில் மலையக மக்களுக்கு யாரும் வழங்காத அங்கீகாரத்தை தேசிய மக்கள் படை நிச்சயம் வழங்கும் எனவும் அவர் குறிப்பிட்டுள்ளார்.