MICE சுற்றுலாவின் நட்சத்திரம் கொழும்பு போர்ட் சிட்டி

ஐரோப்பா, ஆசியா மற்றும் ஆபிரிக்காவுக்கு இடையிலான முக்கிய கப்பல் வழித்தடங்களின் குறுக்கு வழியில் அமைந்துள்ள கொழும்புத் துறைமுக நகரம், கூட்டங்கள், ஊக்கத்தொகைகள், மாநாடுகள் மற்றும் கண்காட்சிகள் (MICE – Meetings, Incentives, Conferences, Exhibitions) சுற்றுலா நிலப்பரப்பில் ஒரு நம்பிக்கைக்குரிய போட்டியாளராக வளர்ந்து வருகின்றது. உலகளாவிய சுற்றுலாத் துறையின் முக்கிய பிரிவாக அங்கீகரிக்கப்பட்ட MICE சுற்றுலா, வணிகம் தொடர்பான நிகழ்வுகளுக்கான தனிநபர்களின் பயணத்தை உள்ளடக்கி, உலகெங்கிலும் உள்ள இடங்களுக்கு கணிசமான வருவாயை உருவாக்குகின்றது. வணிகச் சுற்றுலா/ வணிக நிகழ்வுகள் என்றும் குறிப்பிடப்படும் MICE சுற்றுலாவானது பாரம்பரிய சுற்றுலா நடவடிக்கைகளுக்கு அப்பாற்பட்ட தனித்துவமான பொருளாதார வாய்ப்புகளை வழங்குகின்றது.

MICE சுற்றுலா கட்டமைப்பு நான்கு முதன்மைக் கூறுகளைக் கொண்டுள்ளது:

கூட்டங்கள் (Meetings): கார்ப்பரேட் கூட்டங்கள், வர்த்தகக் கண்காட்சிகள் மற்றும் பட்டறைகள் ஆகியவற்றை உள்ளடக்கியது.

ஊக்கத்தொகைகள் (Incentives): அதிக சாதனை படைத்த ஊழியர்களுக்கான வெகுமதிகளாக ஏற்பாடு செய்யப்பட்டுள்ளது.

மாநாடுகள் (Conferences): பொதுவான நலன்களைப் பகிர்ந்து கொள்ளும் வல்லுநர்களின் பெரிய கூட்டங்கள்.

கண்காட்சிகள் (Exhibitions): நிறுவனங்கள் தயாரிப்புகள் மற்றும் சேவைகளை காட்சிப்படுத்துவதற்கான தளங்கள்.

2019ஆம் ஆண்டில் உலகளாவிய MICE சந்தையின் மதிப்பு சுமார் $1.3 டிரில்லியன் ஆகும். இந்தத் துறை ஒரு நிதி அதிகார மையமாக மாறியுள்ளது. குறிப்பிடத்தக்க வகையில் மிகப்பெரிய MICE சந்தையாக அமெரிக்கா முன்னணியில் உள்ளது. MICE சுற்றுலாவின் கவர்ச்சியானது MICE சுற்றுலாப் பயணிகளின் வலுவான செலவுத் திறன். அது தரும் நிலையான பொருளாதார நன்மைகள், மற்றும் ஒரு இலக்கை நோக்கிச் செல்லும் நேர்மறையான பிராண்ட் இமேஜ் உள்ளிட்ட பல்வேறு காரணிகளால் ஆதரிக்கப்படுகின்றது.

MICE சுற்றுலாப் பயணிகளை கவருவதற்கு ஹோட்டல்கள், மாநாட்டு மையங்கள் மற்றும் போக்குவரத்து நெட்வெர்க்குகள் போன்ற வலுவான உட்கட்டமைப்பைக் கொண்டிருக்க வேண்டும். மேலும் MICE பார்வையாளர்களின் பல்வேறு நலன்களைப் பூர்த்தி செய்ய பல்வேறு வகையான இடங்கள் மற்றும் செயற்பாடுகளை வழங்குவது அவசியம். குறிப்பிடத்தக்க வளர்ச்சித் திறன் கொண்ட ஒரு செழிப்பான சந்தையாக MICE சுற்றுலா பொருளாதார செழுமையில் முக்கிய பங்கு வகிக்கின்றது.

MICE சுற்றுலாவில் கொழும்புத் துறைமுக நகரத்தின் மூலோபாய நன்மைகள்

கொழும்புத் துறைமுக நகரம் அதன் மூலோபாய நிலைப்படுத்தல் மற்றும் நவீன உட்கட்டமைப்புடன் MICE சுற்றுலாப் போக்கைப் பயன்படுத்திக் கொள்ளத் தயாராக உள்ளது.

கொழும்புத் துறைமுக நகரத்தின் நன்மைகள் பின்வருமாறு:

மூலோபாய இடம்: இலங்கை உலகளாவிய கடல்வழி மற்றும் வான்வழி மார்க்கத்தின் மையப்பகுதியில் அமைந்துள்ளது. இதன் காரணமாக சர்வதேச பிரதிநிதிகளை எளிதாக அணுகவும், அத்துடன் பல வணிக அனுகூலங்களினை பெற்றுக்கொள்ளக்கூடியதாகவும் காணப்படுகின்றது.

நவீன உட்கட்டமைப்பு: நவீன மாநாட்டு மையம், தரமான விமான நிலையம் மற்றும் அதிவசதிகொண்ட துறைமுகம் உள்ளிட்ட தேவையான அதிநவீன வசதிகளைக் கொண்டுள்ளது. இதன்காரணமாக ஆசியாவின் சிறந்த MICE சுற்றுலாத் தலமாக செயற்படுவதற்கு ஏதுவாக அமைந்துள்ளது.

பல்வேறுபட்ட வசதிகள்/ இடங்கள்: வரலாற்றுத் தலங்கள், கலாசார அடையாளங்கள் மற்றும் இயற்கை அழகு ஆகியவற்றின் கலவையை வழங்குகிறது. எனவே பல்வேறுபட்ட சுற்றுலா பயணிகளினை கவர்ந்திழுக்கக் கூடியதாக விளங்குகின்றது.

இலங்கை அதன் பண்பான மற்றும் வரவேற்கத்தக்க சூழ்நிலைக்கு பெயர் பெற்றது: நாடு அதன் விருந்தோம்பல், நட்பு, உள்ளூர் மக்கள் மற்றும் துடிப்பான கலாசாரம் ஆகியவற்றிற்கு பெயர் பெற்றது. இலங்கை மக்களின் நட்பு மற்றும் அரவணைப்பு குறித்து பார்வையாளர்கள் அடிக்கடி கருத்து தெரிவிக்கின்றனர். இது சுற்றுலாப் பயணிகளுக்கு நேர்மறையான மற்றும் வரவேற்பு அனுபவத்திற்கு பங்களிக்கின்றது.

MICE சுற்றுலாவில் அதன் திறனை பூரணமாக வழங்குவதற்கு கொழும்புத் துறைமுக நகரம் பின்வரும் முயற்சிகளை மேற்கொள்ளலாம்:

டிஜிட்டல் இருப்பு: கொழும்புத் துறைமுக நகரத்தின் MICE சலுகைகளை விளம்பரப்படுத்த பிரத்தியேக இணையத்தளம் மற்றும் செயலில் உள்ள சமூக ஊடக சேனல்கள் மூலம் விரிவான ஆன்லைன் இருப்பை நிறுவுதல் வேண்டும்.

தொழில்முறைமையில் ஈடுபாடு: தொடர்புடைய வர்த்தக நிகழ்ச்சிகள் மற்றும் மாநாடுகளில் பங்கேற்பது, நிகழ்வு அமைப்பாளர்களை ஈடுபடுத்துதல் மற்றும் இலக்கு பற்றிய விழிப்புணர்வை ஏற்படுத்துதல்.

கூட்டாண்மைகள்: தங்கள் வாடிக்கையாளர்களுக்கு இலக்கை சந்தைப்படுத்த மற்றும் நிகழ்வு தளபாடங்களை எளிதாக்க பயண முகவர் மற்றும் சுற்றுப்பயண வழி காட்டிகளுடன் ஒத்துழைத்து செயலாற்ற முடியும்.

ஊக்கத்தொகை: MICE நிகழ்வுகளை ஈர்க்க கவர்ச்சிகரமான சலுகைகளை வழங்குதல்.

உறவை உருவாக்குதல்: இலக்கின் நற்பெயரை அதிகரிக்க முக்கிய MICE தொழில் முடிவெடுப்பவர்களுடன் உறவுகளை வளர்த்துக் கொள்ளுவதன் மூலன் இந்த இலக்கினை அடையமுடியும்.

இலங்கைக்கான பொருளாதாரத் தாக்கங்கள் மற்றும் வாய்ப்புகள்

கொழும்பு போர்ட் சிட்டியின் MICE சுற்றுலாவின் சாத்தியமான நன்மைகள் கணிசமானவை:

மேம்படுத்தப்பட்ட வருவாய்: MICE சுற்றுலாப் பயணிகளின் அதிக செலவுகள் சுற்றுலாத் துறையின் வருவாயில் குறிப்பிடத்தக்க பங்களிப்பை அளிப்பதுடன் அதிகரிப்பையும் ஏற்படுத்தும்.

வேலை உருவாக்கம்: MICE நிகழ்வுகள் விருந்தோம்பல், போக்குவரத்து மற்றும் நிகழ்வு மேலாண்மை போன்ற பல்வேறு துறைகளில் வேலைவாய்ப்பை உருவாக்குகின்றன. இதன் வாயிலாக நடைமுறையில் காணப்படும் வேலையில்லாப் பிரச்சினைக்குச் சிறந்த தீர்வாக அமையும்.

வெளிநாட்டு முதலீடு: MICE நிகழ்வுகளின் ஈர்ப்பு, இலக்கின் நற்பெயர் காரணமாக வெளிநாட்டு முதலீட்டினை ஊக்குவிக்க முடியும்.

நேர்மறை கருத்து: MICE சுற்றுலா இலக்கின் ஒட்டுமொத்த இலங்கையின் பார்வையினை நேர்முறையில் மேம்படுத்துகின்றது. இது ஒரு செழிப்பான பொருளாதாரத்தை பிரதிபலிப்பதுடன் சிறந்த எதிர்காலத்தினை உருவாக்குகின்றது.

பொருளாதார ஊக்கம்: MICE செயற்பாடுகள், சேவைகள் மற்றும் தயாரிப்புகளுக்கான அதிக செலவு மூலம் உள்ளூர் பொருளாதாரங்களைத் தூண்டுகின்றன. இதன் காரணமாக சிறிய மற்றும் நடுத்தர வணிகங்களுக்கு பல்வேறுபட்ட நேரடி மற்றும் மறைமுக நன்மைகளினை வழங்கும்.

போர்ட் சிட்டி கொழும்பு முறையாக செயற்படும்போது இலங்கையின் மொத்த உள்நாட்டு உற்பத்தியில் வருடாந்தம் 13.7 பில்லியன் டொலர்களை பங்களிக்கும் என எதிர்பார்க்கப்படுகிறது. இது 120,000 நேரடி மற்றும் 300,000 மறைமுக வேலைகளை உருவாக்குகின்றது. இந்தக் கணிப்பு நாட்டில் வேலையின்மை மற்றும் வறுமையை கணிசமாகக் குறைக்கும் திறனைக் கொண்டுள்ளது.

சவால்களை சமாளித்து வெற்றியை உறுதி செய்தல்

கொழும்பு போர்ட் சிட்டி MICE சுற்றுலா முயற்சி செழிக்க பல சவால்களை எதிர்கொள்ள வேண்டும். அவற்றில் சிலவற்றினை பின்வருமாறு அவதானிக்கலாம்.

உட்கட்டமைப்பு: ஹோட்டல்கள், மாநாட்டு மையங்கள் மற்றும் போக்குவரத்து அமைப்புகள் உள்ளிட்ட வலுவான உட்கட்டமைப்பு முக்கியமானது.

தளபாடங்கள்: பாதுகாப்பு மற்றும் கழிவு மேலாண்மையை உள்ளடக்கிய MICE நிகழ்வுகளின் கோரிக்கைகளை கையாள்வதற்கான திறமையான தளபாடங்கள் அவசியம்.

விசாக்கள் & விதிமுறைகள்: MICE சுற்றுலாப் பயணிகளின் தேவைகளைப் பூர்த்தி செய்யும் நெறிப்படுத்தப்பட்ட விசா செயன்முறைகள் & விதிமுறைகள் அவசியம்.

சந்தைப்படுத்தல் & ஊக்குவிப்பு: எல்லோருக்கும் இலகுவான இணையத்தளம், சமூக ஊடக இருப்பு, வர்த்தக நிகழ்ச்சி வருகை மற்றும் கூட்டாண்மை உள்ளிட்ட மூலோபாய சந்தைப்படுத்தல் முயற்சிகள் தொடரப்பட வேண்டும்.

பாதுகாப்பு: சரியான பாதுகாப்பு நடவடிக்கைகள் மற்றும் பணியாளர்களால் ஆதரிக்கப்படும் பாதுகாப்பான சூழல் வெற்றிகரமான MICE நிகழ்வுகளை நடத்துவதற்கு இன்றியமையாதது.

தரமான ஹோட்டல்கள், திறமையான மனிதவளம், அதிக வணிகச் செலவுகள் மற்றும் அரசியல் ஸ்திரத்தன்மை ஆகியவற்றில் உள்ள குறைபாடுகளை நிவர்த்தி செய்வது மிகவும் கட்டாயமாகும். இந்தப் பிரச்சினைகளை விரிவாகக் கையாள்வதன் மூலம் இலங்கை தன்னை ஒரு பிராந்திய MICE சுற்றுலா மையமாக உறுதியாக நிலைநிறுத்திக்கொள்ள முடியும்.

ஒட்டுமொத்த இத்திட்டத்தினையும் அதற்கு இலங்கை அரசாங்கத்தினால் வழங்கப்பட்டுவரும் செயற்திட்டங்களினை உன்னிப்பாக அவதானிக்குமிடத்து கொழும்பு போர்ட் சிட்டி MICE சுற்றுலாத் திட்டம் இலங்கையின் பொருளாதாரம் மற்றும் சமூகத்திற்கு ஒரு வெற்றிகரமான சூழ்நிலையை முன்வைக்கின்றது. அதிகரித்த வருவாய் மற்றும் வேலை வாய்ப்பு உருவாக்கம் மூலம் பொருளாதார வளர்ச்சியை உந்துவது மட்டுமல்லாமல் கலாசார பரிமாற்றம் மற்றும் புரிதலை வளர்க்கவும் முடியும். மூலோபாய திட்டமிடல் மற்றும் அர்ப்பணிப்புடன் கொழும்புத் துறைமுக நகரம் ஒரு முதன்மையான MICE சுற்றுலாத்தலமாக மாறும் திறனைக் கொண்டுள்ளது. இது உலகெங்கிலும் உள்ள பல்வேறு நிகழ்வுகள் மற்றும் பார்வையாளர்களை ஈர்க்கின்றது.