Home » ஊர் போற்றிட

ஊர் போற்றிட

by Damith Pushpika
March 10, 2024 6:58 am 0 comment

சரித்திரம் படைத்து சாதனை புரிவான்
தரித்திரம் தடுத்திடுவான்
நரித்தனம் வருவதை அழித்திடுவான்
சரித்திரம் சீர் பெற்றிட வாழ்ந்திடுவான்

வந்தது போனதை மறந்திடுவான்
வாழ்ந்ததை நினைத்து மறந்திடுவான்
பந்த பாசத்தை நினைத்திடுவான்
வந்தே மாதரம் பாடிடுவான்

மண்ணை உழுது வாழ்ந்திடுவான்
உண்மை பேசி உயர்ந்திடுவான்
கண்ணைக் காப்பதுபோல் காத்திடுவான்
திண்ணம் திழைத்து திகைத்திடுவான்

வெற்றி வேங்கையாக வென்றிடுவான்
ஊற்றிய உணர்வை உயர்த்திடுவான்
தேற்றிய மனதில் தெளிவடைவான்
மாற்றிய எண்ணத்தில் வாழ்ந்திடுவான்

அடிமை விலங்கை உடைத்திடுவான்
கடின காரியத்தை விட்டிடுவான்
தேடிய செல்வத்தை அடைந்திடுவான்
பாடிய பாடலை மீட்டிடுவான்

தடை தாண்டி விளையாடிடுவான்
மடை திறந்த வெள்ளம் தடுத்திடுவான்
நடை போட்டு நடந்திடுவான்
பாடை கட்டிப் பாடி பயணமாவான்

உண்மை சொல்லி உயர்ந்திடுவான்
நன்மை செய்தோருக்கு நன்றியுரைப்பான்
வெண்மை வெளிச்சம் வென்றிடுவான்
கண்ணிமை போல் காத்திடுவான்

சீரோடு சிறப்புக்களில் சிறந்திடுவான்
பாரோடு புகழை பாடிடுவான்
பேரோடு எண்ணத்தை போக்கிடுவான்
ஊரோடு உண்மையை உயர்த்திடுவான்

உடப்பூர் வீரசொக்கன்

You may also like

Leave a Comment

lakehouse-logo

இலங்கை மக்களால் அதிகம் விரும்பப்படும் தேசிய தமிழ் நாளிதழ்

[email protected]
Call Us : (+94) 112 429 429

Web Advertising :
Nuwan   +94 77 727 1960
 
Classifieds & Matrimonial
Chamara  +94 77 727 0067

Facebook Page

All Right Reserved. Designed and Developed by Lakehouse IT Division