Home » படிப்பினை கொள்ளடா மனிதா!

படிப்பினை கொள்ளடா மனிதா!

by Damith Pushpika
March 3, 2024 6:43 am 0 comment

செல்வோம் செல்வோம்
என்று வரும்
செல்வத்தைக் கண்டு
சிந்தை தடுமாறாதே மனிதா
அல்லலும் அதனாலே
அடுத்தடுத்து வரும்
அறிவிலே நீ கொள்ளு மனிதா!

தனம் இருக்கையில் தினமுன்
இருப்பிடம்
தேடி வருவாரே மனிதா
கனமுந்தன் வாழ்வில்
வெறுமை சூழ்கையில்
விட்டு விலகுவார் மனிதா!

குற்றம் பார்ப்பதும் குறை கூறுவதும்
குவலய மாந்தர் இயல்பு மனிதா
உற்றவராய் இருந்து உதவி புரிந்ததை
ஒரு கணம் எண்ணிடார் மனிதா!

உலகமதை நாடக அரங்கமாய் மாற்றி
உலவுவார் நடிகராய் மனிதா
பலதும் பத்தும் இப்பாரினில்
அரங்கேறும்
படிப்பினைக் கொள்ளடா மனிதா!

பசறையூர் மல்லிகா பத்மநாதன்

You may also like

Leave a Comment

lakehouse-logo

இலங்கை மக்களால் அதிகம் விரும்பப்படும் தேசிய தமிழ் நாளிதழ்

[email protected]
Call Us : (+94) 112 429 429

Web Advertising :
Nuwan   +94 77 727 1960
 
Classifieds & Matrimonial
Chamara  +94 77 727 0067

Facebook Page

All Right Reserved. Designed and Developed by Lakehouse IT Division