Home » விழித்திடு

விழித்திடு

by Damith Pushpika
February 11, 2024 6:31 am 0 comment

உறங்கிக் கிடந்தது போதும்
இனி அதை தூக்கிப் போடு
வீறு கொண்டு நடக்கலாம்
புது வரலாறு படைக்கலாம்

கடந்த கால கசப்புகளை
கக்கி விட்டு நகரலாம் வா
சரித்திரத்தில் நீயும்
இனி சாதனையாளனாகலாம்

குட்டக் குட்ட குனிந்தது போதும்
இனி எட்டெட்டாய் வைக்கும் நேரமிது
எத்திசைக்கும் பார்த்து
நிதானமாய் நீ நடக்க வேண்டும்

அவமானங்கள் தந்த வலிகளை
விழிகளில் சுமந்தது மாறட்டும்
உன் வழியே பலருக்கு ஒளியாகட்டும்
புறப்படு உன் பெயர் வானெட்டும்

வரும் வலிகள் பொறுத்து
உன் வழிகள் தோறும்
வெற்றிகளைப் பொருத்து
இனி வாழும் உன் புகழ் பெருத்து

பாத்திமா அஸ்க்கியா முபாறக் (ஏரூர் நிலாத்தோழி)

You may also like

Leave a Comment

lakehouse-logo

இலங்கை மக்களால் அதிகம் விரும்பப்படும் தேசிய தமிழ் நாளிதழ்

[email protected]
Call Us : (+94) 112 429 429

Web Advertising :
Nuwan   +94 77 727 1960
 
Classifieds & Matrimonial
Chamara  +94 77 727 0067

Facebook Page

All Right Reserved. Designed and Developed by Lakehouse IT Division