Home » ஜாமிஆ நளீமிய்யா கலாபீடத்தில் நாற்பெரும் விழா நிகழ்வுகள்

ஜாமிஆ நளீமிய்யா கலாபீடத்தில் நாற்பெரும் விழா நிகழ்வுகள்

பிரதம அதிதியாக மர்ஜான் பளீல் எம்.பி பங்கேற்பு

by Damith Pushpika
February 4, 2024 6:00 am 0 comment

பேருவளை, ஜாமிஆ நளீமிய்யா கலாபீடத்தின் ஐம்பதாண்டு நிறைவையொட்டிய பொன்விழா நிகழ்ச்சித் தொடரின் மற்றுமொரு வரலாற்று நிகழ்வு எதிர்வரும் 11ஆம் திகதி ஞாயிற்றுக்கிழமை பி.ப. 2.45 மணிக்கு ஜாமிஆ நளீமிய்யா கலாபீட மாநாட்டு மண்டபத்தில் வெகுவிமர்சையாக நடைபெறவுள்ளது.

ஜாமிஆ நளீமிய்யா கலாபீட நிர்வாக சபையும் ராபிததுந் நளீமிய்யீன் பேருவளை வலயமும் இணைந்து ஏற்பாடு செய்துள்ள இந்நிகழ்வில் பிரதம அதிதியாக பாராளுமன்ற உறுப்பினரும் நளீமிய்யா கலாபீட ஆளுநர் சபை உறுப்பினருமான மர்ஜான் பளீல் கலந்து சிறப்பிப்பார்.

விசேட அதிதியாக நளீமிய்யா பரிபாலன சபைத் தலைவர் யாகூத் நளீம் மற்றும் கௌரவ அதிதியாக கலாபீட முதல்வர் அஷ்ஷெய்க் ஏ.ஸீ. அகார் மொஹமட் (நளீமி) ஆகியோரும் கலந்து கொள்வர்.

இவ்விழா நிகழ்வில் நளீமிய்யாவின் ஐம்பதாண்டு நிறைவையொட்டிய நினைவு முத்திரை வெளியீடு, நளீமிய்யா உருவாகத்திற்கு மர்ஹும் நளீம் ஹாஜியாருடன் இணைந்து உழைத்த ஸ்தாபகர்களை கௌரவிக்கும் ஸ்தாபகர் தினம், நளீமிய்யாவின் உருவாக்க வரலாற்று நூல் வெளியீடு மற்றும் நளீமிய்யா கலாபீடத்துக்கான ‘SOLAR POWER PROJECT’ திட்டமும் இந்நிகழ்வின்போது அதிதிகளினால் அங்குரார்ப்பணம் செய்து வைக்கப்படவுள்ளமை விசேட அம்சமாகும்.

மேற்படி நாற்பெரும் விழாவில் பிரதம அதிதியாக கலந்துகொள்ளவுள்ள பாராளுமன்ற உறுப்பினர் மர்ஜான் பளீலுக்கு ராபிததுந் நளீமிய்யீன் பேருவளை வலய தலைவர் அஷ்ஷெய்க் பௌஸர் ஹுஸைன் (நளீமி), வலய உப தலைவர் சாமஸ்ரீ தேசமான்ய மிர்சூக் பளீல் மற்றும் நளீமிய்யா கலாபீட சிரேஷ்ட விரிவுரையாளர் கலாநிதி அஷ்ஷெய்க் அரபாத் கரீம் (நளீமி) ஆகியோர் அவரது பேருவளை இல்லத்தில் (31) சந்தித்து உத்தியோகபூர்வமாக அழைப்பிதழை கையளித்தனர்.

(அஜ்வாத் பாஸி)

You may also like

Leave a Comment

lakehouse-logo

இலங்கை மக்களால் அதிகம் விரும்பப்படும் தேசிய தமிழ் நாளிதழ்

[email protected]
Call Us : (+94) 112 429 429

Web Advertising :
Nuwan   +94 77 727 1960
 
Classifieds & Matrimonial
Chamara  +94 77 727 0067

Facebook Page

All Right Reserved. Designed and Developed by Lakehouse IT Division