Home » மீண்டு வந்த இந்த பாதையிலேயே தொடர்ந்தும் பயணிப்போம்

மீண்டு வந்த இந்த பாதையிலேயே தொடர்ந்தும் பயணிப்போம்

ஜனாதிபதியின் சுதந்திர தின செய்தி

by Damith Pushpika
February 4, 2024 6:00 am 0 comment

“இலங்கையின் தற்போதைய பாதை உலகத்துக்கு நம்பிக்கை ஏற்படுத்தியிருப்பதால், இந்தப் பாதையில் தொடர்ந்து பயணிக்கவும், மீண்டும் சுபீட்சத்தை கொண்டுவரவும் இந்த சுதந்திர தினத்தில் உறுதி கொள்வோம்” என, ஜனாதிபதி ரணில் விக்கிரமசிங்க தனது சுதந்திர தின செய்தியில் தெரிவித்தார். இலங்கையின் 75ஆவது சுதந்திர தினத்தை கொண்டாடும் போது, வங்குரோத்து அடைந்த நாடென்று முத்திரை குத்தப்பட்டிருந்தோம். ஆனால் 76ஆவது சுதந்திர தினத்தில் பல இடர்பாடுகளுக்கு மத்தியிலும், அந்நிலையிலிருந்து விடுபட்டு, பொருளாதாரத்தை நிலையான நிலைக்கு கொண்டுவர முடிந்துள்ளதாகவும், ஜனாதிபதி தெரிவித்தார்.

நாட்டின் பெரும்பான்மையான மக்கள் துன்பங்களை சகித்துக்கொண்டு நாட்டை மீளக் கட்டியெழுப்பும் நீண்டகால வேலைத்திட்டத்துக்கு ஆதரவளித்ததால், எம்மால் மெதுவாக முன்னேற முடிந்தது. இந்தப் பாதையில் தொடர்ந்து செல்லும் போது, சிரமங்கள் யாவும் மறைந்துவிடும். வாழ்க்கைச்சுமை குறையும். பொருளாதாரம் வலுவடையும். இலங்கைத் தாய்க்கு மீண்டும் விடிவு கிட்டும்.

1948 இல் இலங்கை சுதந்திர நாடாக மாறிய போது, இலங்கை கீழைத்தேய பிராந்தியத்தில் வளர்ச்சியடைந்த நாடாக மாற வேண்டுமென்பதே சர்வதேசத்தின் எதிர்பார்ப்பாக இருந்தது. அதற்கான அனைத்து பின்னணி காரணிகளும் எங்களிடம் இருந்தன. ஆனால் இறுதியில் நாம் வங்குரோத்து அடைந்த நாடாக மாற நேரிட்டது. கடந்தகால தவறுகளை மீண்டும் செய்யக்கூடாது. நாட்டை மீளக் கட்டியெழுப்பும் பெருமைமிக்க பணிக்கு இலங்கையிலும் நாட்டுக்கு வெளியிலும் வாழும் அனைத்து இலங்கையர்களும் தங்களால் முடிந்தளவு பங்களிக்குமாறு கேட்டுக்கொள்கிறேன்” என, ஜனாதிபதி ரணில் விக்கிரமசிங்க தனது சுதந்திரதின செய்தியில் அழைப்பு விடுத்துள்ளார்.

You may also like

Leave a Comment

lakehouse-logo

இலங்கை மக்களால் அதிகம் விரும்பப்படும் தேசிய தமிழ் நாளிதழ்

[email protected]
Call Us : (+94) 112 429 429

Web Advertising :
Nuwan   +94 77 727 1960
 
Classifieds & Matrimonial
Chamara  +94 77 727 0067

Facebook Page

All Right Reserved. Designed and Developed by Lakehouse IT Division