Home » நான் ஆழ்கடலில் இருக்கிறேன்…

நான் ஆழ்கடலில் இருக்கிறேன்…

by Damith Pushpika
January 14, 2024 6:52 am 0 comment

இனியில்லை எதுவும்
இத்தோடு
முடிந்துவிட்டது என்று
தத்தளிக்கும் நிலையில்
துடுப்பிழந்து
துடிக்கும் இதயம்
கைக்கும் வரும்
என்று பயந்து
கடல் நடுவே
கடல் ஆழத்தின்
கருமைக்கு
இரவின் இருள்
துணை சேர

படகில் நானும்
கரை முகம் காண
பயத்தில்
திக்கும் தெரியா
தவிக்கும் நேரம்
காற்றுக்கும் திசை
மறந்து எல்லாம்
ஒரே திசை என
சூழன்றடிக்க
தூரமே தெரிந்த
உன் முகம் பார்த்தேன்

கரையேறுவேன்
என்ற நிச்சயம் இல்லை
என்றாலும்
மூழ்கமாட்டேன்
எனும் திடம் தந்தாய்

முடிந்த ஆண்டிற்கு
காற்புள்ளியிட்டு
தொடங்கிய
ஆண்டில்
காலடிவைத்து
நீந்தி வருகிறேன்
கரை
காணவில்லை கரை
ஓரமாய் தனியே
நின்றிருக்கும்
உனை மட்டும்
கண்டவளாய் நீந்தி
வருகிறேன்…

காண்பதுவோ
கானல்
என்றிட வேண்டாம்
நானோ
இருப்பது
பாலையில்லை
நம்புங்கள்…
நான் ஆழ்கடல்
இருக்கிறேன்…

- இமையி

You may also like

Leave a Comment

lakehouse-logo

இலங்கை மக்களால் அதிகம் விரும்பப்படும் தேசிய தமிழ் நாளிதழ்

[email protected]
Call Us : (+94) 112 429 429

Web Advertising :
Nuwan   +94 77 727 1960
 
Classifieds & Matrimonial
Chamara  +94 77 727 0067

Facebook Page

All Right Reserved. Designed and Developed by Lakehouse IT Division