Home » இரண்டாயிரத்து இருபத்து நான்கே வருக!

இரண்டாயிரத்து இருபத்து நான்கே வருக!

by Damith Pushpika
December 31, 2023 6:45 am 0 comment

தை தொடக்கம் மார்கழி வரை
தொடரும் உன்ஆயுள் இறுதியில் மடிவு
தைரியமாக மற்றொரு ஆண்டு பிறக்கும்
பிறந்து மடிந்து சரித்திரம் படைப்பது
தையலே உங்களுக்கு வழக்கமாச்சு
பாவையே இரண்டாயிரத்து இருபத்து நான்கே
பட்டாடை கட்டி பூ மலை சூடி
தங்கச் சிலையென இளநகை ததும்ப
புதுமை கொண்டு புத்தாண்டே வருக!
உலகமெங்கும் போர் முழக்கம் ஓயட்டும்
சிந்தும் செங்குருதியில் தோய்ந்த நிலமகள்

உயிரற்ற சடலங்களை சுமந்து கிடக்கிறாள்
அவள் விழி சிந்தும் நீர் ஆறாய் ஓடுகிறது
உறங்கிய கடலும் கருணையின்றி சீறிப்பாய்கிறது
ஆண்டவனே நீதான் இந்த
உலகை காக்கவேண்டும்
உள்ளத்தில் உவகை பொங்கிடவேண்டும்
உத்தமியே இனிய புத்தாண்டே வருக!

ஏறிய பொருள் விலை இறங்கிடவேண்டும்
மக்கள் உள்ளத்தில் உவகை பொங்கட்டும்
எண்ணங்கள் ஆயிரம் மனிதனுக்கு
அத்தனையும் நனவாய் மலர்ந்திடவேண்டும்
எங்கும் மங்கலம் பொங்கட்டும் உலகில்
வறுமையகன்று நிம்மதி நிலைக்கட்டும்
எங்கள் வாழ்வில் நல்லெழில் தோன்றி
வையகம் மகிழ்ந்து ஆனந்தம் மேலிட

கலாபூஷணம் கு. சண்முகம், வந்தாறுமூலை

You may also like

Leave a Comment

lakehouse-logo

இலங்கை மக்களால் அதிகம் விரும்பப்படும் தேசிய தமிழ் நாளிதழ்

[email protected]
Call Us : (+94) 112 429 429

Web Advertising :
Nuwan   +94 77 727 1960
 
Classifieds & Matrimonial
Chamara  +94 77 727 0067

Facebook Page

All Right Reserved. Designed and Developed by Lakehouse IT Division