Home » நறுமணம் வீசும் ஒற்றைப்பூ

நறுமணம் வீசும் ஒற்றைப்பூ

by Damith Pushpika
December 10, 2023 6:27 am 0 comment

உனக்குப் பிடித்தமானவர்கள்
உன்னைக் கொண்டாடுபவர்கள்
உன்னிடம் பிரியம்
கொண்டவர்கள்
உன்னைப் பெருஞ்சொந்தமென
ஏற்றவர்கள்

உன்னைப் பெருஞ்சொத்தென
நினைப்பவர்கள்
உன்னை நினைக்கும் போதெலாம்
புன்னகை பூப்பவர்கள்
உனைப் பெரிய பலமென
எண்ணிக்கொண்டவர்கள்
இப்படி…
யார் உன் நெஞ்சுக்குழிக்குள்
உட்கார்ந்து
பேருவகையின் இன்பத்தேனைக்
குழைத்து வழிந்தோடச்
செய்கிறார்களோ

அவர்களைத் தவிர
வேறு யாரும்
வேறு எதுவும்
உலகில் அழகே இல்லை
உன் கண்களுக்குள்
அழகிய சாம்ராஜ்யம்
அமைத்து
அமைதியாக
உன்னைக் கைப்பற்றியவர்கள்
அவர்கள்…

உனக்குள் அவர்களும்
அவர்களுக்குள் நீயும்
அடங்கிக் கிடப்பது
நேசத்தின் நீட்சியன்றி
வேறென்ன?

அந்நேசம் சாத்வீகமெனும்
வெள்ளையாடை தரித்த
ஒற்றைப் பூவாக
நறுமணம்
வீசிக்கொண்டிருக்கிறது…!

Dr ஜலீலா முஸம்மில் ஏறாவூர்03

You may also like

Leave a Comment

lakehouse-logo

இலங்கை மக்களால் அதிகம் விரும்பப்படும் தேசிய தமிழ் நாளிதழ்

[email protected]
Call Us : (+94) 112 429 429

Web Advertising :
Nuwan   +94 77 727 1960
 
Classifieds & Matrimonial
Chamara  +94 77 727 0067

Facebook Page

All Right Reserved. Designed and Developed by Lakehouse IT Division