Home » தவற விடுதல்

தவற விடுதல்

by Damith Pushpika
December 3, 2023 6:06 am 0 comment

ஊருக்கான
கடைசி ரயிலை
ஒரு செக்கனில்
ரயில்
நிலையத்தில் வைத்து
தவற விடுபவன்
ஒரு யாசகனுக்கு
பிச்சை கொடுக்கும்
கணங்களிடையே
தவற விட்டிருக்கலாம்
அன்றி தடுக்கி விழுந்த
ஓரு வயது முதிந்தவரை
தூக்கி விடும்
சிறு கணத்தில்
தவற விட்டிருக்கலாம்
இன்னுமொரு
பயணியின்
தொலைந்த
பயணச் சீட்டை
தேடிக் கொண்டிருந்த
நேரத்திலும்
தவற விட்டிருக்கலாம்
தனது பிரியமான
குழந்தைக்கு
ஒரு பொம்மை ரயிலை
வாங்கும்
கணங்களிடையும்
தவற விட்டிருக்கலம்
தேநீர் அருந்தி விட்டு
அதற்கான பணத்தை
பதற்றத்தில்
கொடுக்க மறந்து
திரும்பிச்
சென்று கொடுக்கும்
கணத்தில் கூட
தவற
விட்டிருக்கலாம்
தனது ரெயிலுக்கான
நேர
அட்டவணையினை
விளம்பரப் பதாகையில்
தேடிக் கொண்டிருக்கும்
கணங்களில்
தவற விட்டிருக்கலாம்
இறுதியாக
மனைவியிடம்
வந்த அழைப்புக்கு
பதில் சொல்லும்
கணத்தில் கூட
ரயிலை தவற
விட்டிருக்கலாம்
எப்போதாவதொரு
தடவை
தவற விடுவதைக்
கூட ஏற்பதில்லை
ஏமாற்றங்களை
தாங்கொணா மனம்
இருந்தும்
தவிர்க்க முடியாது
இடைக்கிடை நிகழும்
தவற விடுதல்களை
நல்லதற்கென்று
நினைத்து
மனதை
ஆற்றுவதை தவிர
வேறென்ன
செய்ய முடியும்

- ஜமீல்

You may also like

Leave a Comment

lakehouse-logo

இலங்கை மக்களால் அதிகம் விரும்பப்படும் தேசிய தமிழ் நாளிதழ்

[email protected]
Call Us : (+94) 112 429 429

Web Advertising :
Nuwan   +94 77 727 1960
 
Classifieds & Matrimonial
Chamara  +94 77 727 0067

Facebook Page

All Right Reserved. Designed and Developed by Lakehouse IT Division