பால்மாவுக்கான விலைச் சூத்திரத்தின் படி இறக்குமதி செய்யப்படும் பால்மாவின் விலை அதிகரிக்கப்பட்டுள்ளது.
இதன்படி 400 கிராம் பால்மாவின் விலை 25 ரூபாவாலும், ஒரு கிலோ பால்மாவின் விலை 60 ரூபாவாலும் அதிகரிக்கப்படுகிறது.
இதற்கமைய 400 கிராம்
பால்மாவின் புதிய விலை 370 ரூபாவாகவும் ஒரு கிலோ பால்மாவின் புதிய விலை 920 ரூபாவாகவும் அதிகரிக்கப்பட்டுள்ளது. பால்மாவின் விலையை அதிகரிப்பதற்கு அனுமதி வழங்கப்படாமையின் காரணமாக பால்மாவுக்கு சந்தையில் தட்டுப்பாடு ஏற்பட்டிருந்தது. இதன் காரணமாக பால்மாவின் விலையை அதிகரிப்பதற்கு உரிய நிறுவனங்களுக்கு நுகர்வோர் அலுவல்கள் அதிகாரசபை அனுமதி வழங்கியுள்ளது. இதன்படி இந்த விலை அதிகரிப்பு செய்யப்பட்டுள்ளதாக அமைச்சர் ரிஷாத் பதியுதீன் கூறியுள்ளார்.
